| ᠲᠥᠯ ᠲᠤᠰᠬᠤ ᠪᠤᠯ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠨᠢᠭᠡ ᠵᠢᠯ ᠤᠨ ᠠᠵᠢᠯ ᠤᠨ ᠡᠬᠢᠯᠡᠯᠲᠡ | ᠪᠤᠯᠬᠤ ᠶᠢᠨ ᠬᠠᠮᠲᠤ᠂ ᠬᠠᠮᠤᠭ ᠤᠨ ᠶᠠᠭᠠᠷᠠᠯᠲᠠᠢ ᠪᠦᠭᠡᠳ ᠬᠠᠲᠠᠭᠤᠵᠢᠯᠲᠠᠢ᠂ ᠨᠠᠷᠢᠨ ᠨᠢᠮᠪᠠᠢ ᠠᠵᠢᠯ ᠪᠤᠯᠬᠤ ᠶᠤᠮ᠃ | ᠮᠤᠩᠭᠤᠯᠴᠤᠳ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠬᠡᠭᠡᠯ ᠲᠠᠢ ᠪᠠᠶᠢᠬᠤ ᠬᠤᠭᠤᠴᠠᠭᠠ ᠨᠢ ᠠᠳᠠᠯᠢ ᠪᠤᠰᠤ | ᠪᠠᠶᠢᠳᠠᠭ ᠢ ᠦᠨᠳᠦᠰᠦᠯᠡᠵᠦ᠂ ᠮᠦᠨ ᠪᠠᠰᠠ ᠨᠤᠲᠤᠭ ᠤᠷᠤᠨ ᠤ ᠪᠠᠨ ᠪᠠᠶᠢᠭᠠᠯᠢ ᠶᠢᠨ ᠨᠦᠭᠦᠴᠡᠯ ᠳᠤ ᠵᠣᠬᠢᠴᠠᠭᠤᠯᠤᠨ | ᠠᠯᠢ ᠦᠶᠡ ᠳᠤ ᠶᠠᠮᠠᠷ ᠮᠠᠯ ᠢ ᠲᠥᠯᠯᠡᠭᠦᠯᠬᠦ ᠨᠢ ᠵᠣᠬᠢᠮᠵᠢᠲᠠᠢ ᠪᠠᠶᠢᠳᠠᠭ ᠢ ᠤᠷᠲᠤ ᠬᠤᠭᠤᠴᠠᠭᠠᠨ ᠤ ᠲᠤᠷᠰᠢᠬᠢ ᠮᠠᠯ | ᠮᠠᠯᠵᠢᠭᠰᠠᠨ ᠦᠢᠯᠡᠳᠦᠯᠭᠡ ᠠᠴᠠ ᠪᠠᠨ ᠳ᠋ᠦᠩᠨᠡᠭᠰᠡᠨ ᠪᠠᠶᠢᠨᠠ᠃ | ᠬᠤᠨᠢ᠂ ᠢᠮᠠᠭᠠᠨ ᠤ ᠬᠡᠭᠡᠯ ᠲᠠᠢ ᠪᠠᠶᠢᠬᠤ ᠬᠤᠭᠤᠴᠠᠭᠠ ᠲᠠᠪᠤᠨ ᠰᠠᠷᠠ᠃ ᠶᠡᠷᠦᠩᠬᠡᠢ ᠳᠤ ᠪᠠᠨ ᠪᠢᠯᠢᠭ ᠤᠨ | ᠤᠯᠠᠷᠢᠯ ᠤᠨ ᠶᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠳ ᠪᠤᠶᠤ ᠠᠷᠪᠠᠨ ᠰᠠᠷᠠ ᠶᠢᠨ ᠠᠷᠪᠠᠳ ᠢᠶᠠᠷ ᠬᠡᠭᠡᠯᠳᠦᠵᠦ᠂ ᠳᠠᠷᠠᠭᠠ | ᠵᠢᠯ ᠤᠨ ᠬᠤᠶᠠᠷ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠤᠶᠤ ᠭᠤᠷᠪᠠᠨ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ ᠲᠥᠯᠯᠡᠳᠡᠭ᠃ | ᠭᠡᠭᠦᠦ ᠠᠷᠪᠠᠨ ᠰᠠᠷᠠ ᠭᠡᠭᠡᠯ ᠲᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ᠂ ᠳᠦᠷᠪᠠ᠂ ᠲᠠᠪᠤ᠂ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠬᠡᠭᠡᠯᠲᠦᠵᠦ | ᠂ ᠳᠠᠷᠠᠭᠠ ᠵᠢᠯ ᠤᠨ ᠬᠤᠶᠠᠷ᠂ ᠭᠤᠷᠪᠠ᠂ ᠳᠦᠷᠪᠡᠨ ᠰᠠᠷᠠ ᠳᠤ ᠤᠨᠠᠭᠠᠯᠠᠳᠠᠭ᠃ | ᠦᠨᠢᠶᠡ ᠠᠷᠪᠠᠨ ᠰᠠᠷᠠ ᠬᠡᠭᠡᠯ ᠲᠠᠢ ᠪᠠᠶᠢᠵᠤ᠂ ᠵᠢᠷᠭᠤᠭᠠ᠂ ᠳᠤᠯᠤᠭᠠ᠂ ᠨᠠᠢᠮᠠᠨ ᠰᠠᠷᠠ ᠳᠤ ᠬᠡᠭᠡᠯᠲᠦᠵᠦ᠂ | ᠳᠠᠷᠠᠭᠠ ᠵᠢᠯ ᠤᠨ ᠳᠦᠷᠪᠠ᠂ ᠲᠠᠪᠤ᠂ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠲᠤᠭᠤᠯᠯᠠᠳᠠᠭ᠃ | ᠢᠩᠭᠡ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠬᠡᠭᠡᠯ ᠲᠠᠢ ᠪᠠᠶᠢᠳᠠᠭ᠃ ᠲᠡᠮᠡᠭᠡᠨ ᠤ ᠤᠷᠤᠭᠠ ᠣᠷᠤᠬᠤ ᠬᠤᠭᠤᠴᠠᠭᠠ | ᠶᠡᠷᠦᠩᠬᠡᠢ ᠳᠤ ᠪᠠᠨ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠪᠤᠶᠤ ᠨᠢᠭᠡ ᠰᠠᠷᠠ ᠪᠤᠯᠬᠤᠷ᠂ ᠢᠩᠭᠡ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠠᠷᠠ | ᠪᠤᠶᠤ ᠨᠢᠭᠡ ᠰᠠᠷᠠ ᠳᠤ ᠬᠡᠭᠡᠯᠳᠦᠵᠦ᠂ ᠳᠠᠷᠠᠭᠠ ᠵᠢᠯ ᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠪᠤᠶᠤ ᠠᠷᠪᠠᠨ ᠬᠤᠶᠠᠳᠤᠭᠠᠷ | ᠰᠠᠷᠠ ᠳᠤ ᠪᠤᠲᠤᠭᠤᠯᠠᠳᠠᠭ᠃ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠥᠯᠯᠡᠬᠦ ᠬᠤᠭᠤᠴᠠᠭᠠ ᠡᠶᠢᠨ ᠬᠦ ᠵᠦᠷᠢᠶᠡ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠮᠠᠯ ᠤᠨ | ᠪᠡᠯᠴᠢᠭᠡᠷ ᠤᠨ ᠬᠤᠯᠠ ᠤᠶᠢᠷᠠ᠂ ᠴᠠᠭ ᠠᠭᠤᠷ ᠤᠨ ᠬᠦᠢᠲᠡᠨ ᠳᠤᠯᠠᠭᠠᠨ ᠤ ᠠᠳᠠᠯᠢ ᠪᠤᠰᠤ ᠨᠦᠭᠦᠴᠡᠯ ᠰᠢᠯᠲᠠᠭᠠᠨ ᠤ | ᠨᠦᠯᠦᠭᠡᠯᠡᠯ ᠢ ᠬᠦᠷᠲᠡᠳᠡᠭ ᠤᠴᠢᠷ ᠠᠴᠠ ᠲᠥᠯ ᠲᠤᠰᠬᠤ ᠠᠵᠢᠯ ᠴᠦ ᠦᠪᠡᠷ ᠬᠤᠭᠤᠷᠤᠨᠳᠤ ᠪᠠᠨ ᠢᠯᠭᠠᠭᠠ ᠲᠠᠢ | ᠪᠠᠶᠢᠳᠠᠭ᠃ ᠠᠳᠤᠭᠤ᠂ ᠬᠤᠯᠠ ᠶᠢᠨ ᠪᠡᠯᠴᠢᠭᠡᠷ ᠲᠠᠢ ᠮᠠᠯ ᠪᠤᠯᠬᠤᠷ᠂ ᠬᠡᠬᠦᠦ ᠤᠨᠠᠭᠠᠯᠠᠬᠤ ᠦᠶᠡ ᠳᠤ ᠭᠠᠷᠳᠠᠵᠤ | ᠲᠤᠰᠳᠠᠭ ᠦᠭᠡᠢ᠃ ᠦᠬᠡᠷ᠂ ᠲᠡᠮᠡᠭᠡᠨ ᠤ ᠲᠥᠯ ᠢ ᠲᠤᠰᠬᠤ ᠬᠤᠭᠤᠴᠠᠭᠠ ᠣᠶᠢᠷᠠᠳᠪᠠᠯ ᠬᠡᠭᠡᠯ ᠲᠠᠢ ᠦᠨᠢᠶᠡ᠂ | ᠢᠩᠭᠡ ᠪᠠᠨ ᠢᠯᠭᠠᠵᠤ᠂ ᠤᠶᠢᠷᠠ ᠵᠠᠭᠤᠷᠠ ᠬᠠᠷᠢᠭᠤᠯᠤᠨ ᠲᠥᠯ ᠢ ᠨᠢ ᠲᠤᠰᠳᠠᠭ᠃ ᠪᠤᠭ ᠮᠠᠯ ᠤᠨ ᠲᠥᠯ ᠢ ᠲᠤᠰᠬᠤ | ᠠᠵᠢᠯ ᠬᠠᠲᠠᠭᠤᠵᠢᠯᠲᠠᠢ ᠪᠠᠶᠢᠵᠤ᠂ ᠡᠳᠦᠷ ᠲᠤ ᠪᠠᠨ ᠤᠶᠢᠷᠠ ᠶᠢᠨ ᠪᠡᠯᠴᠢᠭᠡᠷ ᠲᠤ ᠪᠡᠯᠴᠢᠭᠡᠵᠦ᠂ ᠰᠦᠨᠢ ᠳᠤ ᠪᠠᠨ | ᠮᠠᠨᠠᠵᠤ᠂ ᠲᠦᠢᠯ ᠤᠨ ᠨᠠᠷᠢᠨ ᠨᠢᠮᠪᠠᠢ ᠪᠠᠷ ᠠᠵᠢᠯᠯᠠᠳᠠᠭ᠃ | ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠨᠡᠪᠲᠡᠷᠬᠡᠢ ᠲᠣᠯᠢ ︽ᠵᠠᠩ ᠦᠢᠯᠡ ᠶᠢᠨ ᠪᠣᠳᠢ︾᠂ ︵ᠦᠪᠦᠷ ᠮᠣᠩᠭᠤᠯ ᠤᠨ | ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2010 ᠣᠨ︶ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ᠃ | |