| — ᠮᠢᠨᠤ ᠬᠦᠦ ᠰᠦᠨ ᠤ ᠮᠠᠰᠢᠨ ᠬᠠᠷᠠᠵᠤ ᠪᠠᠶᠢᠭᠠᠷᠠᠢ ᠭᠡᠵᠦ ᠡᠵᠢ ᠰᠠᠨᠠᠭᠤᠯᠤᠨᠠ᠃ ᠪᠠᠭᠠ ᠦᠳᠡ ᠶᠢᠨ | ᠬᠢᠷᠢ ᠳᠤ ᠨᠤᠲᠤᠭ ᠤᠨ ᠰᠢᠷᠠ ᠵᠠᠮ ᠢᠶᠠᠷ ᠴᠡᠩᠬᠡᠷ ᠲᠤᠭᠤᠰᠤ ᠬᠥᠰᠢᠭᠡᠯᠡᠵᠦ ᠬᠠᠷᠠᠭᠳᠠᠬᠤ ᠳᠤ ᠰᠦᠨ ᠤ ᠮᠠᠰᠢᠨ ᠮᠥᠨ | ᠪᠠᠶᠢᠭᠠᠰᠠᠢ ᠳ᠋ᠠ ᠭᠡᠵᠦ ᠰᠠᠷᠠᠪᠴᠢᠯᠠᠨ ᠤᠳᠠᠭᠠᠨ ᠭᠡᠭᠴᠢ ᠵᠤᠭᠰᠤᠨᠠ᠃ ᠲᠡᠭᠡᠲᠡᠯᠡ ᠴᠡᠩᠬᠡᠷ ᠲᠤᠭᠤᠰᠤᠨ | ᠳᠤᠮᠳᠠ ᠠᠴᠠ ᠴᠡᠩᠭᠡᠷ ᠮᠠᠰᠢᠨ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠤᠳᠤᠷᠠᠭᠠᠳ ᠢᠷᠡᠨᠡ᠃ | — ᠡᠵᠢ ᠡ᠂ ᠰᠦᠨ ᠤ ᠮᠠᠰᠢᠨ ᠢᠷᠡᠵᠦ ᠶᠠᠪᠤᠨᠠ ᠭᠡᠵᠦ ᠪᠢ ᠭᠡᠷ ᠵᠦᠭ ᠢᠶᠠᠨ ᠬᠢᠷᠢ ᠳᠡᠭᠡᠨ ᠯᠠ ᠲᠤᠭᠤᠰᠤ | ᠳᠠᠲᠠᠭᠤᠯᠤᠨ ᠭᠦᠶᠦᠨᠡ᠃ | — ᠦ ᠠᠰᠢᠭᠦᠢ ᠳ᠋ᠠ᠂ ᠬᠠᠮᠢᠭᠠ ᠬᠦᠷᠴᠦ ᠶᠠᠪᠤᠨᠠ︖ ᠭᠤᠷᠤᠬᠠᠲᠤ ᠤᠷᠤᠭᠤᠲᠠᠬᠤ ᠪᠠᠷ ᠨᠢ ᠬᠡᠯᠡᠭᠡᠷᠡᠢ | ᠭᠡᠨᠡ︕ ᠲᠥᠳᠡ ᠤᠳᠠᠯ ᠦᠭᠡᠢ ᠴᠡᠩᠭᠡᠷ ᠮᠠᠰᠢᠨ ᠲᠣᠳᠤᠷᠠᠨ ᠲᠣᠳᠤᠷᠠᠭᠰᠠᠭᠠᠷ ᠭᠤᠷᠤᠬᠠᠳᠤ ᠤᠷᠤᠭᠤᠲᠠᠨᠠ᠃ | — ᠡᠵᠢ ᠡ᠂ ᠤᠳᠤ ᠶᠠᠪᠤᠬᠤ ᠦᠭᠡᠢ ᠪᠤᠯᠬᠤ ᠦᠭᠡᠢ ᠨᠢ ᠭᠡᠪᠡᠯ ᠡᠵᠢ ᠭᠠᠷᠴᠤ ᠬᠠᠷᠠᠭᠰᠠᠨ ᠢᠶᠠᠨ᠄ | — ᠵᠠ ᠶᠠᠪᠤᠶᠠ ᠭᠡᠨᠡ᠃ ᠡᠵᠢ ᠪᠢᠳᠡ ᠬᠤᠶᠠᠷ ᠬᠤᠳᠳᠤᠭ ᠳᠡᠭᠡᠷᠡ ᠬᠦᠷᠬᠦ ᠳᠤ ᠰᠦᠨ ᠤ ᠮᠠᠰᠢᠨ ᠴᠦ | ᠶᠠᠭ ᠬᠦᠷᠴᠦ ᠢᠷᠡᠨᠡ᠃ ᠵᠢᠯᠣᠭᠤᠴᠢ ᠠᠬᠠ ᠨᠥᠭᠦᠭᠡ ᠯᠠ ᠢᠨᠢᠶᠡᠳᠦ ᠰᠠᠴᠤᠷᠠᠭᠤᠯᠤᠭᠰᠠᠭᠠᠷ ᠪᠦᠬᠦᠭᠡᠭ ᠤᠨ ᠢᠶᠠᠨ | ᠴᠤᠩᠬᠤ ᠪᠠᠷ ᠮᠡᠨᠳᠦᠴᠢᠯᠡᠨᠡ᠃ ᠬᠠᠵᠠᠭᠤ ᠶᠢᠨ ᠰᠠᠭᠤᠳᠠᠯ ᠠᠴᠠ ᠰᠦ ᠶᠢᠨ ᠮᠠᠰᠢᠨ ᠳᠤ ᠳᠠᠶᠢᠭᠳᠠᠨ ᠬᠤᠰᠢᠭᠤᠨ | ᠲᠦᠪ ᠤᠷᠤᠵᠤ ᠶᠠᠪᠤᠭᠠ ᠮᠠᠨ ᠤ ᠨᠤᠲᠤᠭ ᠤᠨ ᠬᠡᠨ ᠨᠢᠭᠡᠨ ᠪᠠᠶᠢᠵᠤ ᠯᠠ ᠲᠠᠭᠠᠷᠠᠨᠠ᠃ | ᠰᠦᠨ ᠤ ᠮᠠᠰᠢᠨ ᠳᠤ ᠳᠠᠶᠢᠭᠳᠠᠭᠰᠠᠨ ᠨᠤᠲᠤᠭ ᠤᠨ ᠬᠦᠮᠦᠨ ᠠᠯᠢ ᠬᠡᠳᠦ᠋ᠢᠨ ᠪᠦᠬᠦᠭᠡᠭ ᠠᠴᠠ ᠦᠰᠦᠷᠦᠨ | ᠪᠠᠭᠤᠵᠤ᠂ ᠡᠵᠢ ᠳᠤ ᠬᠠᠪᠰᠤᠷᠤᠨ ᠬᠤᠳᠳᠤᠭ ᠠᠴᠠ ᠰᠦ ᠳᠠᠲᠠᠯᠴᠠᠵᠤ᠂ ᠵᠢᠩᠯᠡᠵᠦ᠂ ᠮᠦᠨ ᠮᠠᠰᠢᠨ ᠤ ᠠᠷᠣ ᠳᠤ | ᠭᠠᠷᠴᠤ ᠰᠤᠷᠤᠭᠤᠯ ᠪᠠᠭᠤᠯᠭᠠᠨᠠ᠃ ᠶᠠᠭ ᠯᠠ ᠨᠠᠰᠤ ᠪᠠᠷ ᠢᠶᠠᠨ ᠬᠢᠵᠦ ᠶᠠᠪᠤᠭᠰᠠᠨ ᠠᠵᠢᠯ ᠢᠶᠠᠨ ᠬᠢᠵᠦ ᠪᠠᠶᠢᠭᠠ | ᠬᠦᠮᠦᠨ ᠰᠢᠭ ᠬᠥᠩᠭᠡᠨ ᠱᠦᠩᠭᠡᠨ ᠭᠡᠵᠦ ᠵᠢᠭᠲᠡᠢ᠃ ᠠᠵᠢᠯ ᠳᠠᠭᠤᠰᠬᠤ ᠳᠤ ᠬᠤᠳᠳᠤᠭ ᠤᠨ ᠬᠦᠢᠲᠡᠨ | ᠤᠰᠤᠨ ᠠᠴᠠ ᠵᠢᠯᠤᠭᠤᠴᠢ ᠨᠤᠲᠤᠭ ᠤᠨ ᠬᠦᠮᠦᠨ ᠬᠤᠶᠠᠷ ᠬᠤᠪᠤᠭᠤ ᠳᠠᠮᠵᠢᠭᠤᠯᠤᠨ ᠤᠤᠭᠤᠵᠤ ᠡᠵᠢ ᠲᠠᠢ ᠨᠤᠲᠤᠭ | ᠨᠤᠭᠤ ᠶᠢᠨ ᠰᠤᠨᠢᠨ ᠰᠠᠶᠢᠬᠠᠨ ᠶᠠᠷᠢᠯᠴᠠᠭᠰᠠᠨ ᠰᠢᠤᠬᠠᠨ ᠪᠣᠯᠤᠭᠠᠳ ᠯᠠ ᠴᠡᠩᠭᠡᠷ ᠮᠠᠰᠢᠨ ︽ᠠᠯᠲᠠᠨ ᠰᠢᠷᠠ ᠵᠠᠮ | ᠳᠡᠭᠡᠭᠰᠢ ᠪᠠᠨ ᠪᠠᠶᠢᠨᠠ︾ ᠭᠡᠳᠡᠭ ᠳᠠᠭᠤᠤ ᠶᠢ ᠬᠠᠩᠭᠢᠨᠠᠭᠤᠯᠤᠭᠰᠠᠭᠠᠷ ᠬᠥᠳᠡᠯᠦᠨᠡ᠃ ᠡᠵᠢ ᠪᠢᠳᠡ ᠬᠤᠶᠠᠷ | ᠰᠠᠭᠤᠯᠠᠭᠠ ᠰᠠᠪᠠ ᠪᠠᠨ ᠤᠬᠢᠶᠠᠵᠤ ᠳᠠᠭᠤᠰᠬᠤ ᠳᠤ ᠴᠡᠩᠭᠡᠷ ᠮᠠᠰᠢᠨ ᠴᠦ ᠴᠡᠩᠬᠡᠷ ᠲᠤᠭᠤᠰᠤ ᠳᠠᠲᠠᠭᠤᠯᠤᠭᠰᠠᠭᠠᠷ | ᠬᠥᠪᠡᠭᠡ ᠳᠠᠪᠠᠨ ᠳᠠᠯᠳᠠ ᠤᠷᠤᠨᠠ᠃ ᠮᠠᠨ ᠤ ᠬᠢ ᠵᠠᠬᠠ ᠶᠢᠨ ᠠᠶᠢᠯ᠂ ᠮᠠᠨ ᠤ ᠬᠢ ᠠᠴᠠ ︽ᠠᠯᠲᠠᠨ ᠰᠢᠷᠠ ᠵᠠᠮ︾ | ᠳᠥᠷᠪᠡ ᠡᠬᠢᠯᠡᠬᠦ ᠳᠤ ᠯᠠ ᠬᠤᠰᠢᠭᠤᠨ ᠲᠥᠪ ᠤᠨ ᠪᠠᠷᠠ ᠬᠠᠷᠠᠭᠳᠠᠭᠠᠳ ᠢᠷᠡᠨᠡ᠂ ᠬᠠᠷᠢᠨ ᠪᠢ ᠰᠦᠨ ᠤ | ᠮᠠᠰᠢᠨ ᠳᠤ ᠳᠠᠶᠢᠭᠳᠠᠵᠤ ᠶᠠᠪᠤᠭᠠ ᠨᠤᠲᠤᠭ ᠤᠨ ᠬᠦᠮᠦᠨ ᠳᠤ ᠦᠭᠡᠢ ᠮᠦᠨ ᠶᠡᠭᠡ ᠠᠲᠠᠭᠠᠷᠬᠠᠨᠠ᠃ ᠠᠶᠢᠯ | ᠠᠶᠢᠯ ᠤᠨ ᠬᠤᠳᠳᠤᠭ ᠳᠡᠭᠡᠷᠡ ᠣᠴᠢᠭᠠᠳ ᠯᠠ ᠮᠡᠳᠡᠳᠡᠭ ᠠᠵᠢᠯ ᠢᠶᠠᠨ ᠬᠢᠵᠦ ᠪᠤᠢ ᠮᠡᠲᠦ ᠰᠦ ᠶᠢ ᠨᠢ ᠵᠢᠩᠯᠡᠵᠦ | ᠰᠤᠷᠤᠭᠤᠯᠵᠤ ᠵᠤᠭᠰᠤᠬᠤ ᠮᠦᠨ ᠴᠦ ᠰᠠᠶᠢᠬᠠᠨ ᠪᠠᠶᠢᠬᠤ ᠪᠠᠶᠢᠯᠠ · · · · ᠳᠠᠩᠴᠦ ᠮᠠᠨ ᠤ ᠬᠢ ᠬᠤᠰᠢᠭᠤᠨ | ᠲᠦᠪ ᠠᠴᠠ ᠬᠠᠮᠤᠭ ᠤᠨ ᠣᠶᠢᠷᠠᠬᠠᠨ ᠪᠠᠶᠢᠳᠠᠭ ᠵᠠᠬᠠ ᠶᠢᠨ ᠠᠶᠢᠯ᠂ ᠰᠦᠨ ᠤ ᠮᠠᠰᠢᠨ ᠳᠤ ᠳᠠᠶᠢᠭᠳᠠᠵᠤ | ᠴᠢᠬᠢᠴᠢᠯᠳᠦᠨ ᠵᠦᠩᠳᠡᠭᠡᠨ ᠶᠠᠪᠤᠭᠰᠠᠨ ᠴᠦ ᠭᠠᠭᠴᠠ ᠴᠦ ᠠᠶᠢᠯ ᠤᠨ ᠬᠤᠳᠳᠤᠭ ᠳᠡᠭᠡᠷᠡ ᠵᠤᠭᠰᠤᠵᠤ ᠰᠦ | ᠳᠠᠲᠠᠯᠴᠠᠵᠤ ᠦᠵᠡᠭᠡ ᠦᠭᠡᠢ︕ | ᠲᠡᠭᠡᠭᠡᠳ ᠪᠢ ᠪᠤᠳᠤᠳᠠᠭ ᠪᠠᠶᠢᠯᠠ᠃ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠡᠳ ᠰᠦᠨ ᠤ ᠮᠠᠰᠢᠨ ᠤ ᠵᠢᠯᠤᠭᠤᠴᠢ ᠪᠣᠯᠤᠨᠠ | ᠡ᠂ ᠨᠤᠲᠤᠭ ᠤᠨ ᠬᠦᠮᠦᠰ ᠢ ᠬᠠᠵᠠᠭᠤ ᠳᠠᠭᠠᠨ ᠰᠠᠭᠤᠯᠭᠠᠭᠠᠳ᠂ ᠬᠡᠤᠬᠡᠳ ᠢᠶᠠᠷ ᠬᠠᠷᠠᠭᠤᠯᠳᠠᠭᠤᠯᠵᠤ᠂ ᠠᠶᠢᠯ | ᠠᠶᠢᠯ ᠤᠨ ᠬᠤᠳᠳᠤᠭ ᠳᠡᠭᠡᠷᠡ ᠤᠴᠢᠵᠤ ᠵᠤᠭᠰᠤᠨ᠂ ᠬᠤᠪᠤᠭᠤ ᠪᠠᠷ ᠬᠦᠢᠲᠡᠨ ᠤᠰᠤ ᠵᠠᠯᠭᠢᠯᠠᠨ᠂ ᠵᠠᠮ ᠲᠣᠵᠢ ︽ | ᠠᠯᠲᠠᠨ ᠰᠢᠷᠠ ᠵᠠᠮ · · · ·︾ ᠬᠠᠩᠭᠢᠨᠠᠭᠤᠯᠵᠤ ᠶᠠᠪᠤᠬᠤ ᠰᠠᠨ ᠳ᠋ᠠ ᠭᠡᠵᠦ ᠪᠤᠳᠤᠳᠠᠭ ᠪᠠᠶᠢᠯᠠ︕ | — ᠡᠵᠢ ᠡ᠂ ᠰᠦᠨ ᠤ ᠮᠠᠰᠢᠨ ᠢᠷᠡᠵᠦ ᠶᠠᠪᠤᠨᠠ · · · · ᠥᠨᠦ ᠴᠦ ᠭᠡᠰᠡᠨ ᠬᠠᠶᠠ ᠪᠢ ᠡᠶᠢᠨ ᠪᠠᠶᠠᠷᠯᠠᠨ | ᠳᠡᠪᠬᠡᠷᠴᠦ᠂ ᠰᠢᠷᠠ ᠵᠠᠮ ᠢᠶᠠᠷ ᠴᠡᠩᠭᠡᠷ ᠲᠤᠭᠤᠰᠤ ᠳᠠᠲᠠᠭᠤᠯᠤᠨ ᠢᠷᠡᠵᠦ ᠶᠠᠪᠤᠭᠠ ᠴᠡᠩᠭᠡᠷ ᠮᠠᠰᠢᠨ ᠢ | ᠵᠡᠭᠦᠳᠦᠨ ᠳᠡᠭᠡᠨ ᠬᠠᠷᠠᠨ ᠳᠡᠪᠬᠡᠷᠳᠡᠭ ᠡ︕ | ᠮᠡᠳᠡᠭᠡᠵᠢ ᠪᠠᠰᠠ ︽ᠠᠯᠲᠠᠨ ᠰᠢᠷᠠ ᠵᠠᠮ ᠳᠡᠭᠡᠭᠰᠢ ᠪᠠᠨ ᠪᠠᠶᠢᠨᠠ︾ · · · · | | ᠰᠢᠷᠠᠶᠢᠳ ᠳᠦᠭᠦᠷᠡᠩᠵᠢᠷᠭᠠᠯ ᠤᠨ ︽ᠰᠤᠯᠤᠩᠭᠠ ᠪᠠᠷᠢᠬᠤ ᠬᠦᠰᠡᠯ︾ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ |