| ᠭᠠᠵᠠᠷ ᠤᠷᠤᠨ ᠤ ᠨᠡᠷᠡᠶᠢᠳᠦᠯ ᠭᠡᠵᠤ ᠤᠯᠠᠨ ᠵᠦᠢᠯ ᠤᠨ ᠢᠷᠡᠯᠳᠡ ᠲᠠᠢ ᠪᠠᠶᠢᠳᠠᠭ᠃ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ | ᠳᠤᠭᠤᠷᠢᠨ᠂ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢᠨ ᠤᠨᠴᠠᠯᠢᠭ᠂ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠠᠶᠢᠷᠢᠰᠢᠯ᠂ ᠤᠷᠭᠤᠮᠠᠯ᠂ ᠠᠮᠢᠳᠠᠨ᠂ | ᠳᠤᠮᠤᠭ ᠦᠯᠢᠭᠡᠷ᠂ ᠳᠡᠦᠭᠡᠨ ᠬᠦᠮᠦᠨ᠂ ᠳᠡᠦᠭᠡᠳᠦ ᠭᠡᠷᠡᠭ᠂ ᠭᠡᠷ ᠪᠦᠯᠢ ᠤᠭᠰᠠᠭᠠ ᠲᠦᠷᠦᠯ᠂ ᠪᠡᠯᠭᠡᠳᠡᠯ ᠤᠳᠬᠠ | ᠵᠡᠷᠭᠡ ᠠᠴᠠ ᠪᠦᠷ ᠨᠡᠷᠡᠶᠢᠳᠦᠳᠡᠭ᠃ ᠵᠠᠷᠢᠮ ᠨᠢᠭᠡ ᠨᠢ ᠤᠷᠳᠦ ᠤᠳᠠᠭᠠᠨ ᠳᠡᠦᠭᠡᠨ ᠶᠠᠪᠤᠴᠠ ᠳᠤ᠂ ᠵᠠᠰᠠᠭ | ᠶᠠᠪᠤᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠭᠡᠷᠡᠭᠴᠡᠭᠡ ᠪᠤᠶᠤ ᠬᠦᠮᠦᠰ ᠤᠯᠠᠮᠵᠢᠯᠠᠨ ᠭᠡᠷᠡᠭᠯᠡᠬᠦ ᠦᠶᠡᠰ ᠳᠠᠭᠤᠳᠠᠯᠭᠠ ᠤᠩᠰᠢᠯᠭᠠ ᠨᠢ | ᠬᠤᠪᠢᠷᠠᠯᠳᠠ ᠭᠠᠷᠬᠤ ᠪᠤᠶᠤ ᠨᠡᠶᠢᠯᠡᠬᠦᠯᠦᠨ ᠳᠠᠭᠤᠳᠠᠬᠤ ᠮᠡᠳᠦ ᠶᠢᠨ ᠦᠵᠡᠭᠳᠡᠯ ᠳᠠᠩᠳᠠ ᠪᠠᠶᠢᠳᠠᠭ᠃ ᠲᠤᠤᠷᠠ ︽ | ᠶᠠᠭᠰᠢ ᠬᠤᠳᠠ︾ ᠶᠢ ᠰᠤᠩᠭᠤᠨ᠂ ᠳᠡᠬᠦᠨ ᠤ ᠬᠠᠮᠢᠶᠠ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠢ ᠦᠨᠳᠦᠰᠦᠯᠡᠨ᠂ ᠳᠦᠬᠦᠮ | ᠲᠠᠨᠢᠯᠴᠠᠭᠤᠯᠰᠤᠭᠠᠢ᠃ | ᠶᠠᠭᠰᠢ ᠬᠤᠳᠠ ᠪᠤᠯ ᠦᠨᠦᠳᠦᠷ ᠤᠨ ᠬᠦᠯᠦᠨ ᠪᠤᠶᠢᠷ ᠬᠤᠳᠠ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠤᠢ᠃ ᠨᠢᠭᠡ ᠵᠠᠭᠤᠨ ᠤ | ᠡᠮᠤᠨᠡ ᠰᠤᠯᠤᠨ ᠬᠤᠰᠢᠭᠤᠨ ᠤ ᠨᠡᠬᠦᠳᠡᠯ ᠮᠠᠯᠵᠢᠯ ᠪᠠ ᠠᠩ ᠠᠩᠨᠠᠳᠠᠭ ᠭᠠᠵᠠᠷ ᠤᠷᠤᠨ ᠪᠠᠶᠢᠭᠰᠠᠨ᠃ ᠤᠳᠤ | ᠪᠠᠶᠢᠭᠠᠯᠢ ᠶᠢᠨ ᠡᠬᠢ ᠪᠠᠶᠠᠯᠢᠭ᠂ ᠨᠡᠩ ᠤᠨᠴᠠᠭᠠᠢᠢᠯᠠᠨ ᠢᠬᠴᠢ ᠰᠠᠬᠤᠯᠠᠭ ᠤᠢ ᠰᠢᠭᠤᠢ ᠶᠢᠨ ᠡᠯᠪᠡᠭ ᠰᠤᠷᠪᠤᠯᠵᠢ ᠪᠠᠨ | ᠳᠦᠰᠢᠭᠯᠡᠨ᠂ ᠦᠷᠨᠢᠩᠭᠦᠢ ᠬᠦᠭᠵᠢᠵᠤ ᠪᠠᠶᠢᠭᠠ ᠬᠤᠳᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 1950 ᠤᠨ ᠳᠤ᠂ ᠰᠢᠭᠤᠢᠢᠲᠦ ᠬᠤᠰᠢᠭᠤ ᠪᠠᠶᠢᠭᠤᠯᠵᠤ᠂ 1983 ᠤᠨ ᠤ 10 ᠰᠠᠷᠠ ᠶᠢᠨ 10 ᠤ | ᠡᠳᠦᠷ᠂ ᠲᠦᠷᠦ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠᠨ ᠤ ᠬᠢᠨᠠᠯ ᠵᠦᠪᠰᠢᠶᠡᠷᠡᠯ ᠢᠶᠠᠷ᠂ ᠰᠢᠭᠤᠢᠢᠲᠦ ᠬᠤᠰᠢᠭᠤ ᠶᠢ ᠬᠦᠴᠦᠨ | ᠦᠭᠡᠢ ᠪᠤᠯᠭᠠᠵᠤ᠂ ᠶᠠᠭᠰᠢ ᠬᠤᠳᠠ ︵ᠰᠢᠶᠠᠨ ᠤ ᠳᠡᠰ︶ ᠶᠢ ᠲᠤᠬᠢᠷᠠᠭᠤᠯᠤᠨ ᠪᠠᠶᠢᠭᠤᠯᠵᠠᠢ᠃ ᠤᠤᠯ ᠤᠨ | ᠰᠢᠭᠤᠢᠢᠲᠦ ᠬᠤᠰᠢᠭᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ ᠤ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠷ ᠪᠠᠷᠢᠮᠵᠢᠶᠠᠯᠠᠵᠤ ᠶᠠᠭᠰᠢ | ᠬᠤᠳᠠ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ ᠪᠤᠯᠭᠠᠵᠠᠢ᠃ | ︽ᠶᠠᠭᠰᠢ︾ ᠭᠡᠳᠡᠭ ᠨᠡᠷᠡᠶᠢᠳᠦᠯ ᠪᠤᠯ ᠮᠠᠨᠵᠤ ᠭᠡᠯᠡᠯᠭᠡ ︽ᠶᠠᠺᠰᠠ︾ ᠠᠴᠠ ᠠᠪᠢᠶᠡ ᠬᠤᠪᠢᠷᠠᠵᠤ ᠢᠷᠡᠭᠰᠡᠨ | ᠬᠡᠳᠡᠭ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ᠂ ᠦᠨᠦᠳᠦᠷ ᠤᠨ ᠶᠠᠭᠰᠢ ᠬᠤᠳᠠ ᠶᠢᠨ ᠰᠠᠭᠤᠭᠠ ᠭᠠᠵᠡᠷ ᠤᠨ | ᠨᠡᠷᠡᠶᠢᠳᠦᠯ ᠨᠢ ︽ᠵᠠᠳᠦᠨ ᠪᠢᠷᠠ ᠶᠠᠺᠰᠠ︾ ᠭᠡᠳᠡᠭ᠂ ︽ᠪᠢᠷᠠ︾ ᠭᠡᠵᠤ ᠮᠠᠨᠵᠤ ᠦᠭᠡ᠂ ︽ᠭᠤᠤᠯ︾ ᠭᠡᠰᠡᠨ | ᠤᠳᠬᠠ ᠲᠠᠢ᠂ ︽ᠵᠠᠳᠦᠨ ᠪᠢᠷᠠ︾ ᠪᠤᠯ ᠳᠠᠷᠤᠢ ︽ᠵᠠᠳᠤᠨ ᠭᠤᠤᠯ︾ ᠪᠤᠯᠠᠢ᠃ ︽ᠶᠠᠺᠰᠠ︾ ᠭᠡᠰᠡᠨ ᠮᠠᠨᠵᠤ | ᠦᠭᠡ ᠨᠢ ︽ᠨᠤᠷᠠᠭᠰᠠᠨ ᠭᠤᠤᠯ ᠤᠨ ᠲᠤᠬᠤᠢ︾ ᠭᠡᠰᠡᠨ ᠤᠳᠬᠠ ᠲᠠᠢ᠂ ︽ᠵᠠᠳᠦᠨ ᠪᠢᠷᠠ ᠶᠠᠺᠰᠠ︾ ᠪᠤᠯ ︽ | ᠵᠠᠳᠤᠨ ᠭᠤᠤᠯ ᠤᠨ ᠨᠤᠷᠠᠠᠭᠰᠠᠨ ᠲᠤᠬᠤᠢ︾ ᠭᠡᠰᠡᠨ ᠤᠳᠬᠠ ᠲᠠᠢ ᠦᠬᠡ ᠪᠤᠯᠤᠨᠠ᠃ | ︽ᠶᠠᠬᠰᠢ︾ ᠬᠡᠬᠦ ᠭᠠᠵᠠᠷ ᠤᠨ ᠨᠡᠷᠠ ᠭᠡᠷᠬᠢᠨ ᠢᠷᠡᠭᠰᠡᠨ ᠪᠢᠯᠡ︖ | ᠶᠠᠭᠰᠢ ᠬᠤᠳᠠ ᠬᠠᠶᠢᠯᠠᠷ ᠭᠤᠤᠯ ᠪᠠ ᠮᠠᠨᠳᠦᠭᠡ ᠭᠤᠤᠯ ᠤᠷᠤᠰᠬᠠᠯ ᠨᠡᠶᠢᠯᠡᠭᠰᠡᠨ ᠡᠮᠦᠨᠡ ᠭᠡᠰᠡᠭ ᠲᠤ | ᠪᠠᠶᠢᠷᠢᠯᠠᠵᠤ ᠪᠠᠶᠢᠨᠠ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ᠂ ᠮᠠᠨᠳᠦᠭᠡ ᠭᠤᠤᠯ ᠪᠠ ᠵᠠᠳᠤᠨ ᠭᠤᠤᠯ ᠢ ᠬᠠᠮᠳᠦ ᠳᠤᠨᠢ ︽ | ᠵᠠᠳᠤᠨ ᠭᠤᠤᠯ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠮᠠᠨᠳᠡᠭᠡ ᠭᠤᠤᠯ ᠬᠡᠮᠡᠨ ᠠᠰᠳᠠᠭᠠᠨ ᠳᠠᠭᠤᠳᠠᠯᠭᠠ ᠪᠠᠶᠢᠭᠰᠠᠨ ᠦᠭᠡᠢ᠃ | ᠲᠦᠷᠦ ᠭᠡᠷᠡᠯᠳᠦ ᠶᠢᠨ ᠬᠤᠷᠢᠨ ᠳᠠᠪᠤᠳᠤᠭᠠᠷ ᠵᠢᠯ ︵1899 ᠤᠨ︶ ᠳᠤ ᠭᠡᠪᠯᠡᠭᠰᠡᠨ ︽ᠬᠠᠷᠠᠮᠦ᠋ᠷᠡᠨ ᠤ | ᠭᠠᠵᠠᠷ ᠤᠨ ᠵᠢᠷᠤᠭ︾ ᠲᠤ ᠳᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠵᠠᠳᠤᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠦᠨᠦᠳᠦᠷ ᠤᠨ | ᠶᠠᠭᠰᠢ ᠬᠤᠳᠠ ᠶᠢᠨ ᠬᠤᠶᠢᠳᠦ ᠭᠡᠰᠡᠭ ᠢᠶᠠᠷ ᠤᠷᠤᠰᠤᠨ ᠦᠩᠭᠡᠷᠡᠬᠦ ᠳᠤ᠂ ᠳᠤᠮᠳᠠ ᠤᠷᠤᠰᠬᠠᠯ ᠳᠤᠨᠢ ᠨᠡᠯᠢᠶᠡᠳ ᠶᠡᠭᠡ | ᠳᠠᠯᠠᠪᠠᠢ ᠲᠠᠢ ᠭᠤᠤᠯ ᠤᠨ ᠲᠤᠬᠤᠢ ᠪᠦᠷᠢᠯᠳᠦᠵᠤ᠂ ᠳᠠᠬᠢᠨ ᠤᠮᠠᠷᠠᠰᠢ ᠤᠷᠤᠰᠤᠨ ᠬᠠᠶᠢᠯᠠᠷ ᠭᠤᠤᠯ ᠳᠤ ᠨᠡᠶᠢᠯᠡᠨ | ᠤᠷᠤᠳᠠᠭ᠃ ︽ᠵᠠᠳᠦᠨ ᠪᠢᠷᠠ ᠶᠠᠺᠰᠠ︾ ᠭᠡᠳᠡᠭ ᠨᠡᠷᠡ ᠡᠨᠡ ᠭᠤᠤᠯ ᠤᠨ ᠲᠤᠬᠤᠢ ᠪᠠᠷ ᠨᠡᠷᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | 1732 ᠤᠨ ᠳᠤ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠬᠦᠯᠦᠨ ᠪᠤᠶᠢᠷ ᠤᠨ ᠭᠠᠵᠠᠷ ᠤᠷᠤᠨ ᠳᠠᠬᠢ | ᠰᠡᠷᠭᠡᠶᠢᠯᠡᠯᠳᠡ ᠪᠠᠨ ᠴᠢᠩᠭᠠᠳᠬᠠᠬᠤ ᠶᠢᠨ ᠲᠦᠯᠦᠭᠡ᠂ ᠴᠢᠴᠢᠬᠠᠷ ᠠᠴᠠ ᠬᠦᠯᠦᠨ ᠪᠤᠶᠢᠷ ᠬᠤᠳᠠ ︵ᠬᠠᠶᠢᠯᠠᠷ ᠤᠷᠤᠨ︶ | ᠬᠦᠷᠳᠡᠯᠠ 10 ᠦᠷᠳᠡᠭᠡᠨ ᠤ ᠭᠠᠵᠠᠷ ᠳᠤᠬᠢᠷᠠᠭᠤᠯᠵᠠᠢ᠃ ᠳᠡᠬᠦᠨ ᠤ ᠳᠤᠮᠳᠠᠬᠢ ᠨᠢᠭᠡ ᠨᠢ ᠳᠠᠷᠤᠢ ᠡᠨᠡ ᠭᠡᠰᠡᠭ | ᠭᠠᠵᠠᠷ ᠲᠤ ᠪᠠᠶᠢᠵᠤ᠂ ︽ᠵᠠᠳᠦᠨ ᠪᠢᠷᠠ ᠶᠠᠺᠰᠠ︾ ᠦᠷᠳᠡᠭᠡ ᠬᠡᠮᠡᠨ ᠨᠡᠷᠡᠶᠢᠳᠴᠡᠢ᠃ 1901 ᠤᠨ ᠳᠤ᠂ ︽ | ᠳ᠋ᠦᠩ ᠴᠢᠩ ᠳᠡᠮᠦᠷ ᠵᠠᠮ︾ ᠢ ᠵᠠᠰᠠᠵᠤ᠂ ᠦᠷᠳᠡᠭᠡᠨ ᠤ ᠨᠡᠷᠡ ᠨᠡᠷᠡᠶᠢᠳᠬᠦ ᠦᠶᠡᠰ᠂ ᠤᠷᠤᠰ ᠬᠦᠮᠦᠨ ︽ᠶᠠᠺᠰᠠ︾ | ᠶᠢ ︽ᠶᠠᠭᠰᠢ︾ ᠬᠡᠮᠡᠨ ᠠᠪᠢᠶᠡ ᠶᠢ ᠨᠢ ᠬᠤᠪᠢᠷᠠᠭᠤᠯᠤᠨ ᠳᠠᠭᠤᠳᠠᠵᠠᠢ᠃ ᠰᠡᠬᠦᠯᠡᠷ ᠨᠢ ᠬᠦᠮᠦᠨ ᠠᠮᠠ ᠶᠢᠨ ᠳᠤᠭᠠ | ᠨᠡᠮᠡᠭᠳᠡᠬᠦ ᠪᠠ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠶᠢ ᠳᠠᠭᠠᠯᠳᠤᠨ᠂ ︽ᠶᠠᠭᠰᠢ︾ ᠬᠡᠮᠡᠬᠦ ᠭᠠᠯᠳᠦ ᠳᠡᠷᠭᠡᠨ ᠦᠷᠳᠡᠭᠡᠨ ᠤ | ᠨᠡᠷᠠ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠬᠤᠳᠠ ᠪᠠᠯᠭᠠᠰᠦᠨ ᠤ ᠭᠠᠵᠠᠷ ᠵᠦᠢ ᠶᠢᠨ ᠨᠡᠷᠡᠶᠢᠳᠦᠯ ᠪᠤᠯᠵᠤ᠂ ᠦᠨᠦ ᠪᠤᠯᠳᠠᠯᠠ | ᠤᠯᠠᠮᠵᠢᠯᠠᠨ ᠭᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠵᠡᠢ᠃ | |