| ᠬᠦᠮᠦᠨ ᠪᠤᠯ ᠪᠡᠶᠡ ᠰᠡᠳᠬᠢᠯ ᠬᠤᠶᠠᠷ ᠲᠠᠯᠠ ᠶᠢᠨ ᠡᠯᠧᠮᠧᠨ᠋ᠲ ᠢᠶᠠᠷ ᠨᠢᠬᠡᠳᠤᠨ ᠪᠦᠳᠦᠭᠰᠡᠨ ᠪᠦᠬᠦᠯᠢ ᠴᠤᠭᠴᠠ | ᠪᠠᠶᠢᠬᠤ ᠳᠤ᠂ ᠡᠷᠡᠬᠦᠯ ᠮᠡᠨᠳᠤ ᠶᠢᠨ ᠦᠵᠡᠭᠳᠡᠯ ᠨᠢ ᠴᠤ ᠪᠡᠶᠡ ᠪᠠ ᠰᠡᠳᠬᠢᠯ ᠬᠤᠶᠠᠷ ᠲᠠᠯᠠ ᠪᠠᠷ ᠢᠯᠡᠷᠡᠵᠤ | ᠪᠠᠶᠢᠳᠠᠭ ᠶᠤᠮ᠃ ᠲᠡᠷᠡ ᠮᠦᠷᠳᠡᠭᠡᠨ ᠰᠡᠳᠬᠢᠴᠡ ᠶᠢᠨ ᠡᠷᠡᠬᠦᠯ ᠪᠠᠶᠢᠬᠤ ᠨᠢ ᠪᠡᠶᠡ ᠶᠢᠨ ᠡᠷᠡᠬᠦᠯ ᠴᠢᠬᠢᠷᠠᠭ ᠪᠠᠶᠢᠬᠤ | ᠳᠤ ᠮᠠᠰᠢ ᠶᠡᠭᠡ ᠨᠦᠯᠦᠭᠡᠯᠡᠬᠦ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠢᠯᠡᠩᠭᠤᠶᠠ ᠬᠦᠮᠦᠨ ᠤ ᠴᠢᠨᠠᠷ ︵人 | 格︶ ᠤᠨ ᠡᠷᠡᠬᠦᠯ ᠴᠢᠬᠢᠷᠠᠭ ᠪᠠᠶᠢᠬᠤ ᠶᠢᠨ ᠦᠨᠳᠦᠰᠦ ᠪᠤᠯᠬᠤ ᠶᠤᠮ᠃ ᠰᠡᠳᠬᠢᠴᠡ ᠪᠤᠯ ᠲᠠᠷᠢᠬᠢᠨ ᠤ ᠴᠢᠳᠠᠪᠤᠷᠢ | ᠂ ᠪᠤᠰᠤᠳᠴᠢ ᠠᠬᠤᠢ ᠶᠢᠨ ᠲᠤᠬᠠᠢ ᠪᠡᠶᠡᠴᠢ ᠲᠤᠰᠬᠠᠯ ᠪᠤᠯᠬᠤ ᠶᠤᠮ᠃ ᠰᠡᠳᠬᠢᠴᠡ ᠶᠢᠨ ᠦᠵᠡᠭᠳᠡᠯ ᠳᠤ ᠲᠠᠨᠢᠯᠲᠠ | ︵认知︶ ᠤᠷᠮᠠ ᠰᠡᠳᠬᠢᠯᠭᠡ ︵情感︶ ᠵᠤᠷᠢᠯᠲᠠ ︵意志︶ ᠬᠡᠬᠦ ᠭᠤᠷᠪᠠᠨ ᠲᠠᠯᠠ ᠶᠢᠨ | ᠠᠭᠤᠯᠭᠠ ᠪᠠᠭᠳᠠᠵᠤ᠂ ᠲᠡᠷᠡ ᠨᠢ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠰᠠᠶᠢᠨ ᠮᠠᠭᠤ᠂ ᠵᠦᠪ ᠪᠤᠷᠤᠭᠤ ᠶᠢ ᠢᠯᠭᠠᠨ | ᠲᠠᠨᠢᠬᠤ᠂ ᠵᠢᠷᠭᠠᠯ ᠵᠤᠪᠠᠯᠠᠩ ᠢ ᠬᠦᠷᠳᠡᠨ ᠠᠮᠰᠠᠭᠴᠢ ᠶᠢᠨ ᠲᠤᠰᠬᠠᠯ ᠪᠡᠶᠡ ᠪᠤᠯᠬᠤ ᠪᠦᠭᠡᠳ ᠮᠦᠨᠴᠦ ᠬᠦᠮᠦᠨ ᠤ | ᠦᠵᠡᠯ ᠰᠠᠨᠠᠭᠠ᠂ ᠤᠶᠤᠨ ᠤᠬᠠᠭᠠᠨ᠂ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢᠨ ᠢᠯᠡᠷᠡᠬᠦᠯᠦᠯᠲᠡ ᠪᠠᠶᠢᠵᠤ᠂ ᠡᠬᠦᠨ ᠢᠶᠠᠷ ᠢᠶᠠᠨ | ᠬᠦᠮᠦᠨ ᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠵᠢᠯᠤᠭᠤᠳᠤᠨ ᠵᠠᠬᠢᠷᠬᠤ ᠭᠤᠯᠤᠮᠲᠠ ᠪᠤᠯᠬᠤ ᠶᠤᠮ᠃ ︽ᠢᠳᠡᠭᠡᠨ ᠤᠮᠳᠠᠭᠠᠨ ᠤ | ᠵᠢᠩᠬᠢᠨᠢ ᠲᠤᠪᠴᠢ︾ ᠳᠤ ︽ᠬᠦᠮᠦᠨ ᠤ ᠠᠵᠤ ᠲᠦᠷᠦᠬᠦᠢ ᠳᠤᠷ ᠰᠡᠳᠬᠢᠯ ᠢᠨᠤ ᠡᠷᠬᠢᠮ ᠪᠤᠯᠠᠢ᠃ ᠰᠡᠳᠬᠢᠯ | ᠪᠤᠯᠪᠠᠰᠤ ᠦᠪᠴᠢ ᠪᠡᠶᠡ ᠶᠢᠨ ᠲᠡᠭᠡᠳᠦ ᠵᠠᠬᠢᠷᠭᠠ ᠪᠦᠭᠡᠳ ᠶᠠᠪᠤᠳᠠᠯ ᠪᠦᠬᠦᠨ ᠢ ᠦᠢᠯᠡᠳᠬᠦ ᠶᠢᠨ ᠦᠨᠳᠦᠰᠦᠨ | ᠰᠠᠭᠤᠷᠢ ᠮᠥᠨ ᠪᠦᠯᠦᠭᠡ︾ ᠬᠡᠵᠤ ᠵᠢᠭᠠᠵᠤ ᠭᠠᠷᠭᠠᠭᠰᠠᠨ ᠪᠠᠶᠢᠵᠠᠢ᠃ ᠡᠶᠢᠮᠤ ᠠᠴᠠ ᠰᠡᠳᠬᠢᠴᠡ ᠶᠢᠨ ᠪᠠᠶᠢᠳᠠᠯ | ᠰᠠᠶᠢᠨ ᠮᠠᠭᠤ᠂ ᠡᠷᠡᠬᠦᠯ ᠡᠰᠡᠬᠦ ᠨᠢ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠵᠤᠯ ᠵᠢᠷᠭᠠᠯ ᠢ ᠡᠳ᠋ᠯᠡᠵᠤ ᠴᠢᠳᠠᠬᠤ ᠡᠰᠡᠬᠦ᠂ ᠦᠵᠡᠯ | ᠰᠠᠨᠠᠭᠠ᠂ ᠤᠤᠨ ᠤᠬᠠᠭᠠᠨ ᠤ ᠪᠤᠯᠪᠠᠰᠤᠨ ᠦᠨᠳᠦᠷ ᠪᠤᠭᠤᠨᠢ ᠪᠠᠶᠢᠬᠤ ᠵᠢᠴᠢ ᠬᠦᠮᠦᠨ ᠤ ᠨᠡᠶᠢᠭᠡᠮ ᠳᠤ ᠦᠵᠡᠬᠦᠯᠬᠦ | ᠦᠢᠯᠡ ᠠᠵᠢᠯᠯᠠᠭᠠ ᠶᠢᠨ ᠡᠷᠡᠬᠦᠯ ᠡᠰᠡᠬᠦ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠳᠠᠬᠤ ᠶᠤᠮ᠃ | ︽ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠢᠩᠬᠢᠨᠢ ᠲᠤᠪᠴᠢ︾ ᠳᠤ ᠠᠮᠢ ᠰᠤᠪᠢᠯᠠᠯ ᠤᠨ ᠪᠤᠳᠠᠳᠤ ᠠᠭᠤᠯᠭᠠ ᠶᠢ ᠦᠬᠦᠯᠡᠬᠦ | ᠳᠤ ᠪᠠᠨ᠄ ︽ᠪᠡᠶᠡ ᠪᠠᠨ ᠰᠠᠶᠢᠳᠤᠷ ᠰᠤᠪᠢᠯᠠᠨ ᠲᠡᠵᠢᠭᠡᠭᠴᠢ ᠪᠤᠯᠪᠠᠰᠤ ᠮᠢᠬᠠ ᠲᠤᠰᠤ ᠶᠢ ᠬᠡᠳᠦᠷᠭᠡᠢ ᠡᠳ᠋ᠯᠡᠬᠦ ᠦᠬᠡᠢ | ᠂ ᠡᠯᠳᠡᠪ ᠪᠤᠰᠤ ᠪᠤᠳᠤᠯ ᠰᠠᠨᠠᠭᠠ ᠪᠠᠨ ᠲᠡᠪᠴᠢᠵᠤ᠂ ᠲᠠᠴᠢᠶᠠᠩᠭᠤᠢ ᠬᠦᠰᠡᠯ ᠢᠶᠠᠨ ᠬᠢᠵᠠᠭᠠᠷᠯᠠᠨ ᠂ | ᠬᠡᠳᠦᠷᠬᠡᠢ ᠪᠠᠶᠠᠷᠯᠠᠬᠤ ᠬᠢᠯᠢᠩᠯᠡᠬᠦ ᠶᠢ ᠴᠡᠭᠡᠷᠯᠡᠵᠤ᠂ ᠲᠠᠮᠢᠷ ᠬᠦᠴᠦᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠦᠭᠡ ᠶᠠᠷᠢᠶᠠ ᠪᠠᠨ | ᠴᠤᠮᠬᠠᠳᠬᠠᠵᠤ᠂ ᠦᠯᠦ ᠠᠯᠳᠠᠬᠤ ᠶᠢ ᠬᠦᠩᠭᠡᠪᠴᠢᠯᠡᠨ᠂ ᠵᠤᠪᠠᠨᠢᠯ ᠭᠤᠳᠤᠷᠠᠯ ᠢ ᠲᠡᠪᠴᠢᠨ᠂ ᠲᠡᠮᠡᠢ ᠪᠠᠯᠠᠢ ᠬᠦᠰᠡᠯ | ᠮᠦᠷᠦᠭᠡᠳᠦᠯ ᠬᠦᠰᠡᠯᠡᠩ ᠢ ᠠᠷᠢᠯᠭᠠᠨ᠂ ᠵᠦᠢ ᠪᠤᠰᠤ ᠲᠤᠷᠠᠰᠢᠯ ᠪᠠ ᠵᠢᠭᠰᠢᠮᠡᠳᠡᠭᠡᠢ ᠠᠴᠠ ᠵᠠᠶᠢᠳᠠᠵᠤ᠂ ᠬᠠᠷᠠᠭᠠ | ᠰᠤᠨᠤᠷ ᠢᠶᠠᠨ ᠬᠤᠷᠢᠶᠠᠨ᠂ ᠲᠤᠳᠤᠷ ᠲᠠᠮᠢᠷ ᠤᠨ ᠪᠠᠳᠤᠳᠬᠠᠯ ᠳᠤ ᠬᠢᠴᠢᠶᠡᠩᠭᠦᠶᠢᠯᠡᠵᠤ᠂ ᠤᠶᠤᠨ ᠰᠠᠨᠠᠭᠠ ᠪᠠᠨ | ᠦᠯᠦ ᠵᠤᠪᠠᠭᠠᠨ᠂ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠦᠯᠦ ᠵᠦᠳᠡᠷᠡᠬᠦᠯᠵᠤ᠂ ᠤᠶᠤᠨ ᠰᠠᠨᠠᠭᠠ ᠪᠠ ᠪᠡᠶᠠ ᠮᠠᠬᠠᠪᠤᠳ | ᠠᠮᠤᠷᠯᠢᠩᠭᠤᠢ ᠪᠤᠯᠪᠠᠰᠤ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠳᠤᠷ ᠶᠠᠭᠤᠨ ᠨᠡᠷᠪᠡᠭᠳᠡᠬᠦ ᠠᠵᠢ︾ ᠬᠡᠵᠤ ᠲᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠃ | ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ ᠰᠡᠳᠬᠢᠴᠡ ᠶᠢᠨ ᠰᠤᠪᠢᠯᠠᠯᠲᠠ ᠨᠢ ᠪᠦᠬᠦᠯᠢ ᠠᠮᠢ ᠰᠤᠪᠢᠯᠠᠯ ᠳᠤ ᠬᠡᠴᠢᠨᠡᠨ ᠶᠡᠭᠡ ᠠᠴᠢ | ᠲᠤᠰᠠ ᠲᠠᠢ᠂ ᠬᠡᠴᠢᠨᠡᠨ ᠶᠡᠭᠡ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠡᠵᠡᠯᠡᠵᠤ ᠪᠠᠶᠢᠬᠤ ᠶᠢ ᠮᠡᠳᠡᠵᠤ ᠪᠤᠯᠤᠨᠠ᠃ | ᠲᠡᠯᠡᠬᠡᠢ ᠶᠢᠨ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ︵WHO︶ ᠠᠴᠠ ᠰᠡᠳᠬᠢᠴᠡ ᠶᠢᠨ | ᠡᠷᠡᠬᠦᠯ ᠴᠢᠬᠢᠷᠠᠭ ᠤᠨ ᠪᠠᠷᠢᠮᠵᠢᠶᠠ ᠶᠢ ᠲᠤᠤᠷᠠᠬᠢ ᠮᠡᠳᠤ 7 ᠵᠤᠷᠪᠤᠰ ᠢᠶᠠᠷ ᠳ᠋ᠦᠩᠨᠡᠵᠠᠢ᠃ | 1᠂ ᠤᠶᠤᠨ ᠤᠬᠠᠭᠠᠨ ᠡᠷᠡᠬᠦᠯ᠃ | 2᠂ ᠦᠪᠡᠷ ᠤᠨ ᠤᠷᠮᠠ ᠵᠤᠷᠢᠭ᠂ ᠵᠠᠩ ᠠᠭᠠᠰᠢ ᠪᠠᠨ ᠲᠤᠬᠢᠷᠠᠭᠤᠯᠵᠤ ᠴᠢᠳᠠᠬᠤ᠃ | 3᠂ ᠨᠡᠯᠢᠶᠡᠳ ᠦᠨᠳᠦᠷ ᠬᠡᠮᠵᠢᠶᠡᠨ ᠤ ᠵᠤᠷᠢᠭ ᠰᠦᠯᠲᠡ ᠪᠠ ᠪᠤᠯᠪᠠᠰᠤᠨ ᠰᠤᠷᠲᠠᠯ ᠲᠠᠢ᠃ | 4᠂ ᠬᠦᠮᠦᠨ ᠬᠦᠮᠦᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠰᠠᠶᠢᠨ᠃ | 5᠂ ᠨᠡᠶᠢᠬᠡᠮ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠤᠪᠢᠰᠤᠯ ᠢ ᠲᠠᠭᠠᠨ ᠲᠠᠳᠴᠤ ᠴᠢᠳᠠᠬᠤ᠃ | 6᠂ ᠬᠦᠮᠦᠨ ᠴᠢᠨᠠᠷ ᠡᠷᠡᠬᠦᠯ ᠴᠢᠬᠢᠷᠠᠭ ᠪᠠᠶᠢᠬᠤ᠃ | 7᠂ ᠰᠡᠳᠬᠢᠴᠡ ᠶᠢᠨ ᠦᠢᠯᠡ ᠶᠢᠨ ᠢᠯᠡᠷᠡᠯ ᠨᠢ ᠨᠠᠰᠤᠨ ᠳᠤ ᠪᠠᠨ ᠲᠤᠬᠢᠷᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | | | ᠨᠠᠭᠤᠨᠪᠢᠯᠢᠭ᠌ ᠤᠨ ︽ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠠᠮᠢ | ᠰᠤᠪᠢᠯᠠᠯ ᠤᠨ ᠦᠬᠦᠯᠡᠮᠵᠢ︾ ᠠᠴᠠ ᠪᠠᠭᠤᠯᠭᠠᠪᠠ | |